मृत्युंजय हि भगवी ज्वाला झळकत राहो,
ही संतांची ईश्वरनिष्ठा,
प्राणाहूनही प्रिय धर्म प्रतिष्ठा,
आत्मबलाने सुर्यापरी हा तळपत राहो,
भगवा झेंडा गगनी निर्भय फडकत राहो.
माणुसकीचा हा उद्गाता,
दुर्बल दलितांचा हा त्राता,
समर रुद्र हा अन्यायावर धडकत राहो,
भगवा झेंडा गगनी निर्भय फडकत राहो.
ह्या त्यागाची उज्वल दीक्षा,
चारित्र्याची सत्वपरीक्षा,
घराघरात सुखशांती हा बरसात राहो,
भगवा झेंडा गगनी निर्भय फडकत राहो.
- श्री मंगेश पाडगावकर
No comments:
Post a Comment