माज!

गावाकडं बैलाला बैलगाडीला जुपायच्या किंवा शेतकामाला लावायच्या आधी एक काम केलं जातं.
त्याचा माज उतरवला जातो. का? तर त्याचं लक्ष फक्त कामावर असावं आणि एखादी गाय बघितली तरी त्याला डिस्ट्रकशन येता कामा नये. नाहीतर हा बैल काम सोडून वाऱ्यावर सोडलेल्या पालव्यावणी फुर्रर फुर्रर करत चावताळत सुटायचा.

शहरातल्या लोकांना माहित आहे कि नाही माहित नाही पण गावाकडं सगळी बघतात नेमका माज उतरवणे म्हणजे काय. तर त्याचा पुरुषत्वच नासवतात. आता बऱ्या पैकी इंजेकशन वगैरे आले असतील ज्याने बैलांना जास्त त्रास नाही होत पण आधी असल्या सोप्या पद्धती नव्हत्या. तर बैलाला पाय बांधून पाडलं जायचं. तुम्ही चपलांना कधी खिळा ठोकताना पहिला असेलच. खास करून पायताण ला. ज्या प्रकारे चप्पल शिवणारा ते चप्पल एका लोखंडी सपाट गोष्टीवर ठेऊन वर चिक्की मोळा लावून त्यावर हातोड्याने ठोकतो तसाच बैलाच्या गोट्यापण अश्याच सपाट लोखंडी/दगडी गोष्टीवर ठेऊन त्याच्या वर दणका देतात आणि गोट्या सपाट. पार चक्का चूर.

आता हे असला अश्लील कशाला सांगायलोय? तर वेळच तशी आलीय. हे जे रोज घडतंय ना, काल दिल्ली मध्ये आज बंगलोरला, उद्या मुंबई मध्ये तर पर्वा परत दिल्ली ला! हे माजलेले लोक बायकांची छेड काढतात. कशाची भीतीच नाही. मोकाट सुटतात. पुढच्या वेळी परत तेच करतात.

लोकशाही आहे, कोर्ट कचेरी आहे. केस होते. शिक्षा पण होते. पण उशिरा. ठोस असा उदाहरण काही समाजासमोर उभा राहत नाही. शिवाजी महाराजांनी केलं होतं तसं काहीतरी केलं पाहिजे. मी म्हणतो त्यांनी फक्त हात कापले होते आता गोट्या ठेचून खटक्यावर एकदाच बॉट ठेवायला पाहिजे. असंही सरकार आणि कोर्ट काय करत आहेत? हेही करून बघा.

बाकी गावाकडं खमके बैल पण कसे एकदम निवांत काम करताना पहिलेच असेल. पहिला नसतील जाऊन बघा.

- आलासकर